الرئيسية / افكار مفيدة / أفكار جديدة و مختلفة لأعادة أستخدام الملابس القديمة

أفكار جديدة و مختلفة لأعادة أستخدام الملابس القديمة

ملابسك القديمة في الأغلب بترميها, بتخزنيها في الدولاب أو بتستخدميها كأداه لتلميع الرخام, الخشب أو المطبخ بشكل عام… علشان هنعرف في المقال ده أشكال و طرق كتيرة مختلفة لأعادة أستخدامها من جديد بأفكار بسيطة و سهلة التنفيذ.

 

1- الطرح القديمة اللي عندك ممكن تلبيسها على أنها جيبة جديدة و بحركات و أشكال مختلفة و بكدة بقى عندل جيبة جديدة من طرحة قديمة.

 

2- قميص جوزك القديم ممكن مترميهوش و تعمليه بلوزة جديدة ليكي تقعدي بيها فالبيت و تستقبلي بيها الضيوف.

 

3- ممكن تعملي برواز جديد من قماش التيشيرتات القديمة اللي مركونة عندك.

 

4- كمان من القمصان, البلوزات أو التيشرتات القديمة ممكن تعملي بيهم شنط بسيطة جديدة.

 

5- هاتي تيشيرت قديم أو بلوزة مبقتيش تلبسيها و قطعيها بالطربقة دي من ورا و شكليها بالشكل الجديد ده و بكده هيكون عندك بلوزة جديدة.

 

6- ممكن تقملي ورد من القماش القديم اللي عندك و تزيني بيه بلوزتك, كتابك أو حتى بيتك بالشكل ده.

 

7- جمعي البناطيل و الجواكت الجينز القديمة كلها اللي عندك اللي ليكي, لجوزك أو أخوكي و خيطيها على شكل كوفرته أو كوفر لحاف جديد.

 

8- جمعي الثيشيرتات القديمة اللي عليها رسومات, قصيهم و أعملي منهم أسكارف شبابي حديد ليكي أو لأبنك.

 

9- تيشيرتاتك القديمة اللي وسعت عليكي أو تيشيرتات جوزك اللي ضاقت عليه أعملي منها فستان صيفي جديد ليكي.

 

10- عندك تيشيرت قديم و مش حابه تلبسيه لأنه سادة و مفيهوش حاجة مبهجة أو تشد النظر, قطيع القماش من النص على شكل قلب و بطنيها من متحت باللون اللي بتحبيه و بكده هتكوني كسرتي لونه الساده.

 

11- أعملي ليكي شورت جديد تقعدي بيه فالبيت من قمصان النوم أو التيشيرتات القديمة اللي عندك.

 

12- لبس البيبي القديم مترميهوش, خدية و بطنيه بالفيبر أو الأسفنج و أعملي منه خدديات مريحة و في نفس الوقت جديدة.

 

13- جمعي قمصان و تيشيرتات جوزك و أبنك القديمة و أعملي منها ملاية جديدة لسريرك.

 

14- جمعي الأقمشة الجينز القديمة اللي عندك و أعملي منهم سدادات للبيبان و الشبابيك من التراب و الحشرات خصوصا في فصل الخريف و الصيف.

 

15- من بلوفر أو سويت شيرت صوف قديم أملي أس كاب يدفي راسك و يحميكي من المطر في الشتا.

 

16- لو بتزهقي بسرعة و تحبي تغيري من لبسك بصفة مستمرة, من بلوفر أو بوكليت قديم مقفول أعملي منه كارديجان مفتوح جديد ليكي.

 

 

17- عايزة تشتري أسكارف جديد و مش لاقية حاجة عجباكي؟ هاتي تيشيرت قديم و قصيه بالطول بأحجام صغيرة و متساوية, جمعيها و خيطيها و أعملي ليكي أسكارف جديد مناسب لزوقك. كمان ممكن ميكنش بلون واحد, ممكن تدخلي فيه أوان كتيرة علشان يليق على كل اللبس اللي عندك.

 

18- من باب التغيير هاتي بوكليت لأخوكي قديم مع سويت شيرت مش بيحب يلبسه أو يكون متقطع و مينفعش يتلبس تاني و جمعيهم مع بعض و أعملي شويت شيرت جديد خالص.. و كمان من نفس قماش البوكليت أعملي اسكارف يليق على السويت شيرت الجديد.

 

19- من قماش مخدة قديمة أو بلوزة قديمة ليكي أعملي فستان صيفي جديد لبنتك.

 

20- من ملاية أو كيس مخدة قديم و مش محتاجاه أستغليه و أعملي منه لحاف جديد للبيبي الجديد و أحشيه فيبر علشان يبقى مريح أكتر, يدفيه و ينام فيه ساعات كتير.

 

21- أعملي أكياس كمادات ساخنة و باردة من القماش القديم اللي عندك اللي مش محتاجاه علشان ينفعك وقت نزلات البرد أو جتى الكدمات الخفيفة.

 

22- الدنيا غليت و عايزة تشتري بضدي جديد ليكي و مش معاكي فلوس, هاتي تيشيرت قديم و قصيه بالخطوات اللي فالصورة و هيكون عندك أحلى بضدي جديد تقعدي بيه فالبيت أو حتى تخرجي بيه مع أصحابك.

 

23- من التيشيرتات القديمة اللي عندك أعملي مخدة جديدة ليكي و أحشيها فيبر و زيني بيهي أوضة نومك.

 

24- عندك تيشريت مش بتحبي تلبسيه لأنه طويل عليكي, قصيه الي قطعتين و أعملي منه فستان جديد ليكي.

 

25- لو عندك شورت جينز قديم زهقتي من لونه و شكله, حطيه نصه فالكلور علشان تفتحيه و تخليه بلونين.

 

26- عندك تيشيرت عزيز عليكي و عايزاه يكون قدامك عالطول, قصيه و حطيه في برواز و علقيه في أوضتك أو في أكتر مكان بتقعدي فيه لفترات طويلة.

 

27- كمان من تيشيرت قديم ممكن تعملي جيبة جديدة تقعدي بيها فالبيت أو عالبلاج.

 

28- هاتي تيشيرت قطن قديم و قصي أكمامه و خليه بكتف واحد بس, خدي الأكمام اللي قصتيها منه و قصيها على شكل شراشيب و زيني بيها كتف واحد من بلوزتك الجديدة.

 

29- أحتفظي بأكياس الحلويات اللي بتشتريها كل يوم و أعملي منها بوك جديد ليكي يشد الأنظار ليكي.

 

30- جمعي قماش بنطلزن جينز و بلوزة قدام و خيطيهم على شكل شنطة جديدة ليكي. الشنطة دي هتكون عملية جدا تقدري تقعدي بيها عالبلاج في الصيف أو حتى تؤوحي بيها شغلك.

 

31- البطلون القديم اللي قصر عليكي, قصيه غلى شكل شورت أو هوت شورت تلبسيه فالصيف.

 

32- هاتي تيشيرت سادة كم مقفول و قصي أكمامه الطويلة لنص كم, قصي التيشيرت من النص بالورب و القماش المقصوص بدل ما ترميه كشكشيه و زيني بيه التيشيرت.

 

33- عند جاكيت جينز و أكمامه بتضايثك فاللبس, قصي الأكمام خالص و خليه قط و أستغلي أسورة الأكمام في أنك تعملي جيوب جديدة للجاكيت القديم و بكده هتكوني غيرتي من شكله 100%.

 

34- أعملي من جلبياتك و فساتينك القديمة فستان جديد و مختلف لبنتك.

 

35- من البوكليتات الصوف بتاعتك أو بتاعة جوزك القديمة أعملي أيس كاب جديد لأبنك أو لبنتك تدفي راسه/ راسها بيه فالشتا و الأيام الممطرة.

 

36- قمصيك المقلم القديم ممكن تعملي فيه بعض التعديلات و تغيري من شطله و ميبقاش تقليدي.

 

37- بدل ما تشتري كورسيه و يكون غالي عليكي أو  مكلف ليكي, من قماش جينز قديم عندل قصيه و خليه مفتوح من ورا و أعمليله رباط علشان تقدري تتجكمي في ضيقه بالشكل اللي يناسب جسمك.

 

38- من تيشيرت سادة قديم عندك أعملي كارف جديد ليكي, ببساطي قصيه من تحت الباط و لونيه بالألوان الماركرز اللي بتحبيها و دخلي فيه كذا لون علشان تقدري تلبسيه على كل اللبس اللي عندك.

 

39- من لبس بنوتك القديم تقدري تجمعي قطعتين في قطعة واحدة و تعملي منهم فستان جديد و مختلف لبنوتك من غير ما تصرفي فلوس كتير.

 

بالأفكار دي تقدري تجددي من لبسك القديم و كمان ممكن تعملي منه مشروع صغير برأس مال “0” توسعي بيه رزقك و تساعدي جوزك في مصاريف بيتك علشان تواجهي غلاء الأيام. حتى لو مكنتيش متزوجة بالأفكار دي تقدري تعملي حاجات من لبسك القديم و تبعيها و تكسبي فلوس و تشتري كل اللي نفسك فيه.

 

40 Mindblowing Ways To Repurpose Old Clothing